عبادة التأمل

بسم الله الرحمن الرحيم
قد ايه يا جماعه عبادة التأمل عباده جميله .
التأمل مش معناه بس النظر فى النجوم والقمر والمناظر الطبعيه والكلام ده .
جربت كده تتأمل موقف حصلك بتفاصيله . او حصل لغيرك وتشوف حكمة الله تعالى فى تصريف الامو وتوزيع الابتلائات والنعم .
طيب جربت تتأمل ايه قرانيه . كلماتها . بلاغتها . احساسها . جربت تقرا القران بتأمل او بتفكر .
تعالو نتأمل كلام حببنا النبى " صلى الله عليه وسلم "
قال رسول الله " صلى الله عليه وسلم " لرجل وهو يعظه .
(( اغتنم خمسا قبل خمسه . شبابك قبل هرمك , صحتك قبل سقمك , غيناك قبل فقرك , فراغك قبل شغلك , حياتك قبل موتك ))
قد ايه الحديث ده جميل تخيلو كده اننا طبقناه فى حياتنا هيبقى ايه حالنا .
كلنا بنشتغل باخلاص . كلنا بنعبد ربنا حق عبادته . كلنا بنتقى الله فى كل امورنا . كلنا بنتصدق يا ترى الفقراء هيبقى ايه حالهم .
اخواتى كلامى اللى جى يمكن يزعلكم بس دى الحقيقه والحقيقه ديما بتزعل .
الموت ميعرفش كبير او صغير انت مش ضامن تقرا الموضوع للاخر . يا جماعه كل نفس بتتنفسه ممكن يكون اخر نفس بس اسالو نفسكم .
يا ترى انا ينفع اموت دلوقتى ؟؟؟؟؟
طبعا ينفع ....لا شىء بعيد على الله .. مش قصدى كده .
ينفع اقابل الله بحالتى دى . يعنى انا جاهز للقاء الله عز وجل . ووقفة الملكين فى القبر .
تخيل كده لو استحضرت الفكره دى ديما . انا ممكن اموت دلوقتى . تخيل ان الخمس دقايق القادمين هما اخر خمس دقايق فى حياتك .
معقول حتموت بعد خمس دقايق وتسمع اغنيه او تتفرج على فلم او تزعل والديك او تغفل عن الصلاه .
اغتنمو الشباب بيروح والعمر بيخلص والصحه مش مضمونه والوقت مفيش اسرع منه والمال لا يبقى .
تأملو كلمات الرسول " صلى الله عليه وسلم "
ها ايه رايكم فى عبادة التأمل .
تأمل الحديث مع نفسك شويه واعرض تصرفاتك عليه واغتنم .
(( ربنا ينور طريق كل مسلم ومسلمه ))